Ministrja e Punëve të Jashtme, Donika Gërvalla thotë se lirimi i Millan Radoiçiqit një ditë pas arrestimit të tij, dëshmon se i gjithë procesi është një farsë.
Sipas saj, Radoiçiqi duhet t’i dorëzohet Kosovës tani, përcjell teve1.info
“Lirimi i shpejtë i terroristit Radoiçiq një ditë pas arrestimit të tij në Serbi dëshmon se i gjithë ky proces është një farsë. Shteti serb urdhëroi sulmin ndaj Policisë së Kosovës dhe nuk mund të pritet që të japë drejtësi. Radoiçiq duhet t’i dorëzohet Kosovës tani”, ka shkruar ajo në “X”.
Gjykata e Lartë e Serbisë të mërkurën ka liruar Milan Radoiçiqin një ditë pasi e arrestoi. Atij i është konfiskuar pasaporta dhe i është ndaluar shkuarja në Kosovë.
Ai po ashtu është i detyruar që me data 1 dhe 15 të çdo muaji të paraqitet para një stacioni policor në Beograd. /Teve1.info/
