Ministrja e Punëve të Jashtme dhe Diasporës, Donika Gërvalla-Schwarz ka dënuar sulmin e djeshme në veri, ku tha se protestuesit e dhunshëm kontrollohen nga shërbimi sekret i Vuçiqit.
Ajo tha se perëndimi duhet të reagojë dhe kjo situatë të ndalët, shkruan teve1.info
“Ne dënojmë fuqishëm sulmet ndaj KFOR-it nga ekstremistët e dhunshëm të drejtuar nga komanda dhe kontrolli i shërbimit sekret të Vuçiqit. Këtu nuk bëhet fjalë për të drejtat legjitime të pakicave. Bëhet fjalë për dhunën dhe destabilizimin. Perëndimi duhet t’i thotë Vuçiqit se kjo duhet të ndalet. Tani.
Kjo është vetëm një përpjekje tjetër e Vuçiqit për të hapur një front tjetër të përshkallëzimit për të shkëputur vëmendjen nga dhuna endemike në Serbi. Ai po përballet me protesta masive qytetare kundër dhunës dhe regjimit të tij autoritar, të korruptuar dhe të dhunshëm”. Ka shkruar ajo në Twitter.
Tutje, ajo ka thënë se Kosova do të jetë borxh gjithmonë ndaj ushtrave të KFOR-IT.
“ Zemrat tona shkojnë me respektin më të lartë dhe simpatinë më të thellë për të gjithë trimat @NATO_KFOR ushtarë që mbrojnë demokracinë dhe shtetin e së drejtës. Të gjithë të lënduarve u urojmë shërim të plotë dhe të shpejtë. Kosova u detyrohet shumë atyre. Ne do të jemi përgjithmonë në borxhin e tyre”.
3/3 Our hearts go out with the highest respect and deepest sympathy to all the brave @NATO_KFOR soldiers defending democracy and the rule of law. We wish all those who have been injured a full and speedy recovery. Kosova owes them a lot. We will be forever in their debt. pic.twitter.com/iieOxAXKmr
— Donika Gërvalla-Schwarz (@gervallaschwarz) May 29, 2023
