Ministrja në detyrë e punëve të Jashtme, Donika Gërvalla ka mirëpritur në Aeroportin Ndërkombëtar të Prishtinës “Adem Jashari”, përfaqësuesen e Lartë të BE-së, Kaja Kallas.
Gërvalla ka thënë se vizita e Kallasit në Kosovë vjen në momentin kur Kosova ëdhë më e angazhuar në forcimin e institucioneve demokratike.
Derisa, ajo tha se rruga drejt BE-së dhe NATO-s është më e qartë dhe e pathyeshme.
“Republika e Kosovës është një aktor i përgjegjshëm ndërkombëtar, një partnere e besueshme dhe një kontribuuese reale në ruajtjen e paqes, sigurisë dhe stabilitetit në kontinentin tonë. Me vullnet të palëkundur politik dhe me mbështetje të gjerë qytetare, rruga jonë drejt integrimit të plotë në Bashkimin Evropian dhe në NATO është e qartë, e pakthyeshme dhe në përputhje të plotë me vlerat që na bashkojnë me aleatët tanë. Kosova e sotme është Evropë, për nga veprimi, përkushtimi dhe në orientim të pandryshuar drejt një të ardhmeje të përbashkët euroatlantike”, ka shkruar Gërvalla./teve1.info/
