Ministrja e Jashtme e Kosovës, Donika Gërvalla, ka thënë se populli i Kosovës do t’i jetë mirënjohës përgjithmonë presidentit të ShBA-së, Joe Biden.
Në një postim në X pas vendimit nga Biden për tu tërhequr nga gara presidenciale, Gërvalla ka thënë se ai po tregon se është lider i madh.
“Populli i Kosovës e admiron dhe do t’i jetë përgjithmonë mirënjohës Presidentit Biden. Ai po tregon sërish se çfarë lideri dhe karakteri i madh është. Udhëheqja e tij në Perëndim dhe kontributi i tij dekada për lirinë dhe demokracinë globale janë një shërbim për të gjithë botën”, ka shkruar Gërvalla.
Biden të dielën ka njoftuar se është tërhequr nga gara presidenciale në ShBA.
