Zëvendëskryeministrja dhe Ministrja e Punëve të Jashtme dhe Diasporës,Donika Gërvalla, do ta përfaqësojë Kosovën në seancën e Këshillit të Sigurimit të Kombeve të Bashkuara që mbahet të mërkurën nga ora 16:00 sipas orës lokale në Kosovë.
Gjatë kësaj seance, sipas komunikatës së ministrisë Gërvalla do të flas për zhvillimet në vend dhe veprimet e Serbisë.
”Gërvalla do të shpalosë arritjet e Republikës së Kosovës në fusha të ndryshme, përfshirë procesin e demokratizimit, zhvillimin ekonomik, të drejtat e komuniteteve dhe situatën aktuale në komunat veriore të Republikës së Kosovës. Gërvalla do të flasë edhe për veprimet destabilizuese të Serbisë dhe sfidat që ato paraqesin për paqen dhe stabilitetin në rajon”, thuhet në komunikatë.
