Ministrja e Puënve të Jashtme të Kosovës, Donika Gërvalla, ka thënë se nuk ka forcë që mund ta ndalojë shtrirjen e sovrantitetit të Kosovës në cdo pjesë të saj.
Ajo kështu është shprehur në një postim në Facebook, pas një takimi që kanë mbajtur me qytetarë në Mitrovicë.
“Veriu i Kosovës dhe Mitrovica janë pjesë e pandashme e Republikës sonë. Nuk ka forcë që mund ta ndalojë shtrirjen e sovranitetit të Kosovës në çdo cep të territorit të saj”, ka shkruar ajo
Gërvalla ka përgëzuar bashkëryetarin e partisë Guxo, Faton Pecin i cili është edhe ministër i Bujqësisë.
“I vendosur, në krye të betejës së vështirë kundër korrupsionit, gjithnjë në krah dhe përballë bujkut dhe nevojave të tij, i paepur dhe trim në përballjen e tij me banda dhe individë, që pasurinë e shtetit, tokat dhe objektet i tij ishin mësuar t’i keqpërdornin me dekada të tëra, ai dëshmon se Mitrovica ka djem që dijnë, duan dhe guxojnë të punojnë për Kosovën që e ëndërruan të parët tanë”, ka shkruar Gërvalla./teve1.info/
