Ministrja e Punëve të Jashtme, Donika Gërvalla ka thënë se bashkë me presidenten, Vjosa Osmani, zëvendëskryeministrin dhe Ministrin e Punëve të Jashtme të Luksemburgut, Xavier Bettel, ministra, deputetë, ambasadorë dhe diplomatë, kanë marrë pjesë në ceremoninë e hapjes së Ambasadës së re të Luksemburgut në Kosovë.
Ajo tha se prania diplomatike e Luksemburgut në Kosovë dëshmon një përkushtim të palëkundur për ta kthyer këtë partneritet në projekte konkrete që fuqizojnë ekonominë dhe krijojnë mundësi të reja për të rinjtë tanë.
“Republika e Kosovës dhe Luksemburgu mbeten të vendosur për të promovuar paqen, sigurinë dhe stabilitetin në rajon dhe Evropë, veçanërisht në një kohë kur kërcënimet dhe përpjekjet për destabilizim nga Rusia dhe aleatët e saj janë në rritje të vazhdueshme. Ky partneritet është shtyllë e fuqishme e vendosmërisë sonë ndaj këtyre sfidave”, ka shkruar ajo.
