Ministrja e Punëve të Jashtme të Kosovës, Donika Gërvalla, ka njoftuar se do të jetë pjesëmarrëse në Forumin e Bledit në Slloveni.
Përmes një postimi në Twitter ajo ka bërë të ditur se është nisur për në Slloveni me ftesë të homologes, Tanja Fajon.
“Rrugës për në Forumin e Bledit, duke pritur me padurim të marr pjesë me ftesë nga homologia ime sllovene, Tanja Fajon. Kosova mbetet e përkushtuar për avancimin e strategjive rajonale dhe globale për paqe, solidaritet dhe siguri”, ka shkruar ajo.
Në këtë forum nga Kosova po merr pjesë edhe kryeministri i Kosovës, Albin Kurti./teve1.info/
