Zëvendëskryeministrja dhe Ministra e Punëve të Jashtme dhe Diasporës, Donika Gërvalla, ka marrë pjesë në një tryezë diskutimi në Institutin “Hudson” në Uashington, ku është diskutuar për sfidat e sigurisë dhe potencialin e zhvillimit në Ballkanin Perëndimor.
Në këtë tryezë pjesëmarrës ishin përfaqësues nga politika, diplomacia dhe analistë të njohur ndërkombëtarë.
Në takimin e titulluar “Synime dhe shqetësime Rajonale”, Gërvalla ka folur për sfidat me të cilat përballen sot Kosova dhe rajoni i Ballkanit dhe Evropa Lindore.
“Duke përshkruar zhvillimin e jashtëzakonshëm të Kosovës, të ekonomisë së saj, por edhe të forcimit të të gjitha strukturave të sigurisë dhe forcave të saj të armatosura, ajo theksoi përkushtimin e vazhdueshëm të Kosovës për vlerat demokratike dhe vullnetin e palëkundur për anëtarësim në NATO dhe BE”, thuhet në komunikatë.
Diskutimi në Institutin “Hudson” theksoi edhe rëndësinë e bashkëpunimit rajonal për të adresuar sfidat e përbashkëta dhe për të përshpejtuar progresin drejt anëtarësimit në NATO dhe BE.
Duke iu përgjigjur shqetësimeve të shumta të të pranishmëve, ajo theksoi
Gjatë takimit Gërvalla ka thënë se Serbia është kthyer përsëri në një kërcënim të vërtetë jo vetëm për Kosovën dhe Bosnjë-Hercegovinën, por për të gjithë rajonin.
“Si aleate, madje edhe satelit i Rusisë, ajo jo vetëm që sulmon shtetet fqinje, siç ishte rasti me 24 shtatorin e vitit të kaluar në Kosovë, por edhe i garanton Rusisë, Kinës dhe tashmë edhe Iranit hapësirë të mjaftueshme për të vepruar në Evropë nga thellësia e Ballkanit Perëndimor”, tha ministrja Gërvalla./teve1.info/
