Gërvalla – Schwarz tha se që nga viti 1989 – 90, Sllovenia e atëhershme brenda ish-Jugosllavisë e ka ngritur zërin për ta ndërgjegjësuar botën se çfarë po ndodhte në Kosovë në atë kohë.
Ajo u shpreh mirënjohëse për ndihmën, teksa tha se ndihmën e Sllovenisë ndaj Kosovës nuk do ta harrojnë asnjëherë, raporton teve1.info
“Slloveninë dhe Republikën e Koosovës e lidh një miqësi tradicionale, në ditët tona të vështira duke filluar që nga viti 1989-90 ka qenë Republika e atëhershme e Sllovenisë brenda ish-jugosllavisë e cila qartë e ka ngritur zërin për të ndërgjegjësuar botën dhe opinionin e atëhershëm Jugosllav, se çfarë po ndodhte në Kosovë, ne jemi mirënjohës për atë ndihmë dhe nuk do ta harrojmë asnjëherë”, tha Gërvalla.
“Miku i mirë njihet në ditë të vështira”, shtoi ajo.
Tutje, ministrja Gërvalla – Schwarz tha se Kosova nuk e ka fshehur aspiratën e saj për t’u anëtarësuar sa më shpejtë në NATO, teksa theksoi se brenda NATO-s dhe Bashkimit Evropian ka biseda intensive për situatën e Kosovës.
“Sllovenia është gjithashtu anëtare e NATO-s dhe Kosova në vazhdimësi nuk e ka fshehur aspiratën e saj për t’u anëtarësuar sa më shpejt në NATO si një aspiratë e cila do ta sillte Kosovën më afër vendëve me të cilat e lidhin vlerat dhe në të njëjtën kohë e dimëqëedhe brenda NATO-s ashtu si dhe brenda BE-së ka biseda intensive për situatën tonë”, deklaroi ministrja.
Gërvalla – Schwarz bëri të ditur se përveç temave strategjike, temë ka qenë edhe një sërë interesash të përbashkëta, si intensifikimi i bashkëpunimit ekonomik.
Më tej, ministrja e Punëve të Jashtme përmendi edhe qytetarët e Kosovës të cilët jetojnë e punojnë në Slloveni.
“Kemi shumë qytetarët të Republikës së Kosovës që jetojnë dhe veprojnë në Slloveni, disa prej shumë vitesh dis të ardhur në ndër kohë, kemi studentë që studiojnë në universitetet Sllovene”, përfundoi ajo./teve1.info
