Në një konferencë për media, Gërvalla theksoi se vetëm aplikimi, pa përpjekje, nuk është i mjaftueshëm, shkruan teve1.info
“Sa i përket aplikimit, është qartë që të gjitha shtetet e rajonit duke përfshirë edhe Bosnjë-Hercegovinën, kanë aplikuar ose e kanë marrë statusin e kandidatit. Ne mendojmë që Kosova i plotëson kushtet. Çështja është kur është momenti e kur nuk është. Ne mendojmë që procesi nuk mund të ecë përpara pa e bërë hapin e parë. Çdo aplikim duhet të jetë i shoqëruar me shumë punë, me shumë përpjekje. Vetëm dorëzimi i aplikimit, nuk do të jetë i mjaftueshëm”, tha ajo.
Ndërkaq sa i përket aplikimit të Kosovës për anëtarësim në Këshillin e Evropës, Gërvalla potencoi se presin që pas pushimeve verore të kalohet procedura dhe të kalojë në asamble.
“Ne kemi filluar procedurën në maj të këtij viti. Unë mendoj që jam në një rrugë shumë të mirë. Presim që rasti i Kosovës të mos zgjasë sa ka zgjatur për vendet e tjera të rajonit. Momentalisht presim që pas pushimeve verore që të kalohet procedura dhe të kalojë në asamble”, u shpreh Gërvalla. /Teve1.info/
