Ministrja në detyrë e Punëve të Jashtme e Kosovës, Donika Gërvalla ka thënë se në seancën e së martës i kanë pasur votat për ta zgjedhur kryetarin e Kuvendit.
Ajo ka thënë se po mos të ishte pengesa e opozitës sot do ta shihnin të gjithë se votat kanë qenë.
“Po të na kishin lënë shansin opozita që të kalojmë të pikat tjera të rendit të ditës, shumë shpejtë do e kishte parë gjithkush se a i kemi apo jo. I kemi”, ka thënë Gërvalla në një intervistë për emisionin “Këndi i Debatit” në Tëvë1.
Ajo ka thënë se edhe deputetët e komuniteti joserb kanë qenë për, por sipas saj kur u votua raporti për i komisionit për verifikimin e mandatave ata ishin në një sallë duke diskutuar, duke shtuar se ata kanë votuar në komisionin.
Gërvalla nuk ka treguar se çfarë marrëveshje kanë bërë me këto parti, duke thënë se të gjitha do të zbardhen kur të konstituohet Kuvendi.
Ajo ka mohuar të flas edhe se kush do të jetë i propozuari për kryetar të Kuvendit.
