Ministrja në detyrë e Punëve të Jashtme, Donika Gërvalla i ka bërë ftesë publike deputetëve të LDK-së që të marrin pjesë në seancën e jashtëzakonshme dhe të votojnë miratimin e buxhetit dhe pikave tjera të rendit të ditës.
Gërvalla bëri apel që LDK-ja të vijë më vonë në Kuvend dhe të votojë.
“Ju ftoj publikisht, se si një parti e ardhur nga një traditë institucionaliste të mos bëheni bashkë me ata, të cilët nuk i respektojnë institucionet e shtetit, të cilët bllokojnë procese të rëndësishme, bllokojnë buxhetin e shtetit, bllokojnë paga dhe e bllokojnë të ardhmen e këtij vendi. Bëj apel publik sot të gjithë juve që të vini në një orë më të vonshme dhe të votoni marrëveshjet ndërkombëtare”.
Ajo i bëri thirrje posaçërisht vetëm deputetëve të LDK-së.
“Ky apel publik ju drejtohet juve të nderuar deputetë të LDK-së, me ftesën publike që në seancë të vini dhe të votoni zhbllokimin e proceseve kaq të rëndësishme”, deklaroi ajo. /teve1.info/
