I ftuar në emisionin “Ditari” në tëvë1, ai thotë se vetë mënyra e emërimit të Këshillit Drejtues të UP-së që shkarkoi Sahitin, është skandaloze.
Madje, ai thotë se si organizata që përfaqësojnë studentët, nuk mund të vlerësojnë se ish-rektori ka pasur një performancë të dobët teksa shton se nuk ka pasur skandale nga ai.
“Ne mund ta vlerësojmë mirë performancën e ish-rektorit, nuk ka pasur skandale, mirëpo siç e thashë nuk është punë e jona mënyra si është shkarku. Ne këtë e kemi paralajmëruar nga qershori, por është shpërfillur për shkak se përbërja e aktuale e Këshillit është skandaloze, mënyra se si janë emëruar dhe votuar është skandaloze dhe 20 ditë pasi kanë marrë mandatin paskan arritur ta vlerësojnë performancën e tij dhe ta shkarkojnë atë”, tha ai.
Sipas tij, pikat e cekura në vendimin për shkarkimin e ish-rektorit nuk janë interesante dhe jo të sakta.
“Ato pikat që u përrmendën i pashë në media për mua janë arsye jo shumë interesante për shkak se të shkarkohet për ato, por për ne si studentë nuk na intereson procesi, por kur ka parregullsi ne reagojmë. Çështja pse ne reaguam është se na prekte neve direkt”, shtoi ai./teve1.info/
