Hysen Gecaj , njohës i sigurisë ka thënë se deri më tani Qeveria nuk ka dhënë ndonjë sinjal që është në gjendje që të i përmbahet një vendimi që ka marrë deri në fund.
Ai në emisionin “Këndi i Debatit” në Tëvë1 tha se është e duhur që çdo veprim të merret në koordinim me aleatët e shtetit të Kosovës.
“Kjo është fatkeqësi për ne. Po të ishte në rregull politikanët tonë do të kuptonin më kohë se cili është orientimi të cilin duhet ta ndjekin dhe jo të vinë deri në këtë situatë. Situatë të ngjashme kemi pasur edhe në kohën kur kryeministri vendosi që të aplikojë vendimin për targa dhe më pas është detyruar më u tërheqë. Gjë që mendojë që për një qeveri dhe një shtet është shembull i keq. Deri më tani qeveria nuk ka dhënë një sinjale që është e zonja me marrë një vendim dhe më iu përmbajte atij. Nuk ka mundësi, sepse nuk i ka kapacitetet politike as të sigurisë dhe asnjë kapacitet tjetër të nevojshëm për më e realizua atë qëllim. Prandaj është mirë dhe gjithmonë ka qenë mirë më u përmbajte marrëveshjeve me miqtë tanë ndërkombëtare, sidomos më ata që na kanë ndihmuar deri në ndërtimin e shtetit tonë. Qeveria çështjen e sigurisë po e sheh shumë ngushtë, por nuk është aspak e tillë”, ka deklaruar ai.
Ndryshe, situatën e krijuar në veri të vendit e kanë dënuar vendet e QUINT-it, ku i kanë bërë thirrje autoriteteve të Kosovës të zmbrapsen menjëherë nga veprimet në veri.
Tutje thuhet se ata dënojnë veprimet për hyrje në ndërtesat komunale pavarësisht thirrjes së tyre për përmbajtje.
“Ne dënojmë vendimin e Kosovës për të detyruar hyrjen në ndërtesat komunale në veri të Kosovës, pavarësisht thirrjes sonë për përmbajtje. Ne u bëjmë thirrje autoriteteve të Kosovës që menjëherë të tërhiqen dhe të de-përshkallëzohen dhe të koordinohen ngushtë me EULEX-in dhe KFOR-in”.
QUINT-i reagon pas zhvillimeve në veri: Autoritetet e Kosovës të zmbrapsen menjëherë
