Sot, zyrtarisht ka marrë detyrën e drejtorit të Përgjithshëm të Policisë së Kosovës, Kolonel Gazmend Hoxha.
Ceremonia është mbajtur në ambientet e Drejtorisë së Përgjithshme të Policisë së Kosovës, raporton teve1.info.
Të pranishëm në ceremoni të pranim-dorëzimit ishin stafi i lartë menaxhues si dhe ushtruesi i detyrës së drejtorit të Përgjithshëm Kolonel Fehmi Hoti, i cili ia dorëzoi zyrtarisht detyrën Hoxhës.
Hoxha ka thënë se drejtimi dhe menaxhimi i organizatës më të madhe ligjvënëse në vend bëhet përmes bashkëpunimit dhe krijimit të partneritetit me institucione të rëndësishme.
“Hoxha potencoi se drejtimi dhe menaxhimi i organizatës më të madhe ligjvënëse në vend bëhet përmes bashkëpunimit dhe shkëmbimit të eksperiencave brenda organizatës me punë ekipore si dhe bashkëpunimit dhe krijimit të partneritetit me institucionet e jashtme vendore e ndërkombëtare, e në veçanti me qytetarët”, thuhet në njoftimin e PK-së.
Policia udhëhiqej nga U.D i drejtorit, Fehmi Hoti që nga 30 gushti i vitit të kaluar. Ai ishte caktuar në atë pozitë pas dorëheqjes së Samedin Mehmetit në po atë ditë. Mehmeti ka dhënë dorëheqje për arsye personale dhe ndërgjegje profesionale lidhur me rastin e dhunimit të 11-vjeçares në Prishtinë.
