Kurti teksa ka treguar se si janë rritur sipërfaqet me të mbjellura me misër e grurë dhe kanë rritur subvencionet ka treguar edhe një moment që ka ndodhë.
Kurti thotë se në arat e bujkut u pyet nga gazetarja për takimin me Lajçakun. Duke ironizuar ai tha se më pas ky e pyeti traktoristin për emisarin e BE-së, duke treguar edhe reagimin e tij.
“Teksa bisedonim me bujqit, gazetarja që na ndiqte nëpër ara po më pyeste me insistim për Lajçakun. Unë e pyeta traktoristin për Lajçakun, por ai tundi kokën e i dha gaz traktorit”, ka shkruar Kurti në Facebook.
Kurti tha se krahasuar me vitin e kaluar përkrahja për mbjelljen e grurit është rritur për 216% për hektar
“Pas rritjes së rendimentit këtë verë, po shtohen edhe mbjelljet këtë vjeshtë. Në vitin 2022 është rritur për 15.5% sipërfaqja e mbjellur me grurë dhe për 91% ajo me misër. Krahasuar me 2021 përkrahja qeveritare për mbjelljen e grurit është rritur për 216% për hektar, kurse për atë të misrit 119% për hektar”./teve1.info/
