Presidenca ka bërë të ditur se Osmani ka pasur një intervenim të lehtë kirurgjik apo ndryshe heqja e tëmthit (idhëzes).
Përmes një postimi në Facebook, Vitija thotë se kjo kryhet me laparaskopi nga kirurgët nga viti 2004 dhe “është një nga procedurat rutinore”.
“Heqja e temthit (idhzes) ne QKUK kryhet me laparaskopi nga kirurget qe nga viti 2004. Eshte nje nga procedurat rutinore. Bile edhe ne spitalet rajonale ne vitet e fundit aplikohet kjo metode. E Presidentja Osmani para spitaleve publike zgjodhi nje spital privat per ta kryer kete procedure”, thuhet ndër tjerash në postim.
Sipas tij, ajo i ka besuar më shumë një spitali privat i cili para disa javësh është akuzuar nga një pacient.
“I ka besuar me shume nje spitali privat i cili udhehiqet nga nje kirurg i cili para disa javesh eshte akuzuar nga nje pacient se i ka harruar gazen ne trup pas operacionit. I njejti me pas eshte trajtuar ne QKUK. Eshte e drejte e secilit me zgjedh institucionin ku don me u trajtu, ama si Presidente do te duhej me qene aq e pergjegjshme sa me ia besu shendetin nje spitali publik para atij privat. Kjo zgjedhje e saj çon mesazhin se kirurgeve ne publik “nuk iu besohet”, e qe ne fakt nuk eshte ashtu sepse ne QKUK ka super-kirurg qe idhza per ta eshte ‘hajgare’”, thuhet në postim./teve1.info/
