Gazetari i Tëvë 1, Venhar Isufi, ka thënë se kryetarët e komunave veriore mund ta kontestojnë shkarkimin e tyre përmes peticionit të qytetarëve.
Ai ka thënë se ata e kanë paralajmëruar këtë, pasi që vlerësojnë se në këta muaj kanë bërë punë të mira për qytetarët.
“Do të shqyrtojnë mundësinë që mos të pajtohen me shkarkimin e tyre, sepse po llogarisin se deri tani kanë dhënë një kontribut të jashtëzakonshëm. Dy kryetaret kanë me pas problem a kanë me pranuar shkarkimin e tyre, Izmir Zeqiri kryetar i Zubin Potokut dhe Ilir Peci, Kryetar i Zveçanit”, tha ai në emisionin “Këndi i Debatit” në Tëvë 1.
Sipas tij, dy kryetarët që vijnë nga radhët e PDK-së, që nga fillimi i këtij procesi kanë shprehur gatishmëri për marrëveshje me Qeverinë për të dhënë dorëheqje, e “tash po dojnë me pru procesin aty”
