“Huligan” është shprehja që gazeta prestigjioze amerikane “The New York Times”, ka zgjedhur për t’iu referuar presidentit të Serbisë, Aleksandër Vuiq.
Në të dy artikujt e gazetarit amerikan Robert Worth, për presidentin serb, këtë të fundit e paraqesin si person të lidhur fort me krimin dhe që kontrollon gjithçka në Serbi.
I përmendet e kaluara e tij kriminale, përgjatë kohës sa ishte ministër i Propagandës, në kohën e Sllobodan Millosheviq.
Derisa, ia përmendin edhe sulmet që ai ua bënte shqiptarëve në Beograd, para dhe pas luftës në Kosovë.
E kujtojnë deklaratën e famshme të tij, që “për një serb do të vriten 100 myslimanë”.
“Kthimi i Vuçiqit me kërbaç në dorë” – ishte njëra nga fjalitë që gazeta amerikane i referohet rikthimit të politikanit serb në pushtet, në vitin 2008.
Ani se për ish-anëtarin e ekipit negociator me Serbinë, Gazmir Raci, diplomatët ndërkombëtar e kanë portretizuar presidentin serb si politikan të moderuar, shkrimi i “The New York Times”, do të ketë pasoja për të në arenën ndërkombëtare.
Njësoj po mendon edhe Tomor Avdijaj.
Veçse ky po thotë se pastrim të figurës nuk mund t’i bëhet asnjë politikani që ka qenë pjesë e ekipit të Sllobodan Millosheviq.
Shkrimet e gazetës amerikane janë të rralla që bëhet për politikanë të Ballkanit.
Derisa për presidentin serb, përgjatë dy shkrimeve i është bërë edhe një rezyme e gjithë karrierës së tij politike – për të cilin thuhet se është politikan i cili nga fillimi i karrierës së tij ka qenë kundër medieve të lira.
Kronika e gazetarit Arton Rama.
