Anëtarja e kryesisë së LDK-së, Besa Gaxherri, ka thënë se secili që është në listë ka pakënaqësitë e veta, por që nuk varet nga ta dhe se respekton vendimin e shumicës.
Ajo tha se po të ishte në vend të kryetarit, Lumir Abdixhiku, do ta bënte një radhitje ndryshe në listë.
Tutje, ajo ka përmendur vendosjen e deputetes Hykmete Bajrami, që sipas Gaxherrit duhet të ishte e 3-ta.
“Natyrisht që kemi secili pakënaqësi, por ka shumë faktorë.. është kjo Hykmeti nuk është në numrin 3 e sipas mendimit tim do të duhej me qenë… Unë pastaj i respektoj vendimet e shumicës që merren brenda subjektit politik, edhe në qoftë se nuk jam e kënaqur. Prej 110 kandidatëve që janë në listë, jam e sigurt se secili ka një vrenjtje, propozim ndoshta ndryshe. Po e përsëris nuk është gjithçka numri, jemi para qytetarëve dhe numrat i vendosin ata vet. Po të isha në vend të Abdixhikut do ta bëja një radhitje ndryshe…”, ka thënë ajo në emisionin “Këndi i Debatit” në Tëvë1.
