Kreu i Grupit Parlamentar të partisë socialiste në Shqipëri, Taulant Balla në replikë të Tritan Shehut i cili përmendi Kosovën dhe mbështetjen që do duhej dhënë nga vendi shqiptare, tha se gjithçka është gatu për të zhbërë raportin e Dick Marty-t.
Ai tha se për këtë janë mbledhur nënshkrimet nga 5 vende dhe numri minimal i anëtarëve të Asamblesë Parlamentare të KiE që është 20, shkruan teve1.info
“Lidhur me sa u kërkua nga deputeti Shehu në mënyrë të përsëritur unë besoj se Kuvendi e ka adresuar çështjen. Kuvendi ka miratuar inicimin në Asamblenë Parlamentare të Këshillit të Evropës të një rezolute të re lidhur me pretendimet se gjoja gjatë luftës në Kosovë ka pasur krime kundër njerëzimit. Gjeje rastin të i përshëndes edhe anëtarët tonë të delegacionit që të shkojnë përpara me këtë iniciative.
E dyta gjatë ditës e djeshme Kosova ka miratuar 14 Prilli do të lidhet gjithmonë me të mbijetuarit e dhunës seksuale gjatë luftës në Kosovë dhe mendoj se kjo duhet të ishte ngritur si diskutim sot nga opozita. Mos bëni politikë me Kosovën. Firmat janë mbledhur tashmë, nga më shumë se 5 vende dhe numri minimal i anëtarëve të Asamblesë Parlamentare të KiE që është 20”, ka thënë ai.
