Deputeti i Lidhjes Demokratike të Kosovës (LDK), Arben Gashi, ka reaguar pas vendimit të Gjykatës Kushtetuese lidhur me kërkesën e parashtruar nga LDK dhe Partia Demokratike e Kosovës (PDK) për bllokadën në Kuvend.
Gjykata konstatoi se Kryetari i Kuvendit duhet të zgjidhet me votim të hapur dhe se kryesuesi i seancës ka vepruar në kundërshtim me Kushtetutën, duke vendosur për votim të fshehtë.
Për këtë vendim, Gashi tha se është një “shuplakë për ata që mendojnë se rregullat janë vetëm për të tjerët”.
“Demokracia nuk mbahet me lojëra procedurale, por me respektim të ligjit!”, ka shkruar ai në një reagim publik.
