Gashi në një konferencë për media tha se LDK-ja është e hapur që të përkrahet edhe propozimi për formimin e komisionit nga radhët e LVV-së, raporton Teve1.info
“Në mbledhjen e kryesisë së Kuvendit u dakodruam që e drejta e opozitës është e pakontestueshme në këtë rast kërkesa për formimin e komisonit hetimor parlamentar do të realizohet, po ashtu siç kam ofruar në emër të grupit parlamentar të LDK-së, jam i hapur që të përkrahim edhe propozimin e formimit të komisionit nga radhët e pushtetit”, ka deklaruar ai.
Ai shpreson që sjellja e papërgjegjshme të marrë fund dhe Kuvendi t’i kthehet normalitetit.
“Ka një pajtim që të formohen dy komisionet hetimore parlamentare dhe Kuvendi t’i kthehet normalitetit. Sjellja e papërgjegjshme po shpresojë që ka marrë fund dhe Kuvendi duhet të hyjë me punën e vet normale në mënyrë që të marrim vendime dhe të nxjerrim ligje”, u shpreh Gashi.
Sipas tij, pas pak pritet që të votohen dy komisionet hetimore.
“Pritet pas pak që të votohet formimi i komisioneve hetimore parlamentare dhe të vazhdojmë seancën në mënyrë të rregullt”, përfundoi Gashi. /teve1.info/
