Sipas tij këto sulmet ndaj Policisë së Kosovës janë shqelma të grupeve të vogla kriminale që operojnë në zonën e veriut të vendit.
“Unë mendoj që ka qenë reagim i menaxhuar mirë nga ana e Policisë që nuk ka shkaktu panik te qytetarët në atë zonë. Kisha pasë dëshirë mos me stërmadhu më shumë që mos me ndjell frikë te qytetarët, për shkak se është situatë normale e cila zakonisht kur ka pasë operacione në veriun e vendit, ka pasë incidente të tilla kriminale dhe mendoj që janë shkelmat e grupeve të vogla kriminale që operojnë në atë zonë që merren me kontrabandë dhe me organizime të vogla. Po flas për grupe të vogla sepse nëse flasim për grupe të mëdha kriminale dhe grupet e kontrolluara prej Serbisë metodat e tyre të sulmeve për destabilizim në veri dallojnë prej këtyre sulmeve individuale dhe të vogla”, tha ai.
Sipas tij problemi më i madh është që Serbia nuk ka marrë asnjë masë që t’i arrestojë sulmuesit, dhe sipas tij kjo ndodh për shkak që Policia e Kosovës dhe ajo e Serbisë nuk kanë bashkëpunim në menaxhim të përbashkët të kufirit.
“Mendoj që ende nuk e kemi të konstatuar qe ka pasë një qëllim destabilizimi prej institucioneve të Serbisë për shkak që nuk ka pasë qytetarë në rrugë. Në zonën ku është sulmuar Policia e Kosovës pra është zonë shumë afër kufirit me Serbinë dhe problemi më i madh këtu është që Policia e Serbisë nuk ka marrë asnjë masë që t’i ndjekë sulmuesit dhe t’i arrestojë ose me tentu të paktën me e hap një rast kriminal në atë zonë e kjo ndodh për faktin se Policia e Kiosovës nuk ka bashkëpunim me Policinë e Serbisë në menaxhimin e përbashkët të kufirit etj”, tha Gashi.
Ai tutje shtoi se Policia e Kosovës duhet të ketë hapa të nevojshëm me të cilët iu bënë me dije banorëve lokal të veriut se Policia është aty për sigurinë e tyre e jo për t’i pushtuar.
“Ajo që ka ndodhë këto ditë në veriun e vendit është fakti që institucionet tona kanë arritë me i blloku disa prej rrugëve ilegale në atë zonë dhe thjeshtë Policia me e shtu prezencën në atë zonë dhe prezenca vazhdon me qenë atje me gjithë këto probleme të cilat janë. Në anën tjetër me u tentu që komuniteti lokal atje mos me u ndiku prej këtyre incidenteve dhe thjeshtë Policia e Kosovës me pasë hapa të nevojshëm të cilët ata tentojnë me i tregu komunitetit që janë aty për sigurinë e tyre dhe me i siguru prej grupeve kriminale e që nuk janë atje për me pushtu ose diçka të ngjashme pra duhet me pasë kujdes në sinjalet të cilat i qojmë te komuniteti dhe në mënyrën se qysh komunikojmë me ta. ”, ka shtuar Gashi./teve1.info/.
