Shefi i Grupit Parlamentar të LDK-së, Arben Gashi ka deklaruar se është e domosdoshme që të kemi hetim parlamentarë për të parë nga afër se sa janë respektuar ligjet dhe procedurat në rastin e rezervave shtetërore.
Gashi në fjalimin e tij në Kuvendin e Kosovës dha edhe arsyet mbi të cilat është kërkuar të formohet ky komision hetimor parlamentar, pasi sipas tij, duhet parë se cila ishte procedura që është ndjekur në tërësinë e procesit për furnizimiin me rezerva shtetërore”
Teksa renditi edhe objektet e hetimit mbi këtë proces.
“Duke pasur parasysh indiciet përtej dyshimeve të bazuara mbi abuzimet e mundshme të ndërlidhura me procesin e furnizimit me rezerva shtetërore shtrojmë nevojën e madhe për hetim parlamentar. A janë hapur tender për furnizimin me rezervë shtetërore, cila është forma që është përdorur për klasifikimin e kontratave si secret shtetëror, dhe pse janë kualifikuar si të tilla, çka është kualifikuar si sekret shtetëror, produkti, çmimi, vendndodhja. Personat e përfshirë, kontratat si dhe a ka pasë certifikatë sigurie për personat të cilët kanë qenë të përfshirë, kush dhe si e ka menaxhuar këtë proces që nga fillimi, cila mund të jetë afërsia e përfituesve të këtyre kontratave me kryeministrin apo nivelet tjera, si dhe kush i ka përzgjedhur kompanitë fituese dhe me çfarë kritere. Kush janë përfituesit e tendereve, a i kanë plotësuar kushtet ligjore, a janë të pajisur me certifikatë sigurie i tërë sistemi tenderues, mbikqyrës, furnizues”, tha ai.
Tutje, Gashi tha se përbërja e komisinioni propozohet të jetë me 11 anëtarë.
Ndryshe propozimin për themelimin e komisionit hetimor parlamentar për rezervën shtetërore e kanë propozuar 41 deputetë nga opozita./teve1.info./
