Drejtori i Rrjetit të OJQ-ve “Avonet”, Kenan Gashi ka thënë se numri i qytetarëve që po dalin për të votuar në zgjedhje është duke rënë.
Ai ka thënë se për të kjo është shqetësues dhe sipas tij nëse do të ishte e mundur procesi i votimit do të duhej të rregullohej me ligj – që votimi të jetë obligim ligjor dhe ndoshta edhe për një shqiptim të gjobës.
“Numri i qytetarëve në votim për neve është shqetësues. Kjo na bënë që mos të jemi shumë të rehatshëm me pjesëmarrjen e qytetarëve në votim. Ne nga ajo çfarë kemi vërejtur kemi një numër të paorientuar në orientimin politik. Kjo mospjesëmarrje shpesh herë në numër shumë të madhe…Kemi individë që nuk janë të orientuar për të votuar. Por, nuk kemi mundur as ne e asnjë subjekt politik deri më tani qysh nga paslufta që t’i identifikojmë se cilët janë shkaktarët në Kosovë që nuk kanë marrë pjesë në votim. Kjo besojë që do të jetë një sfidë e ardhshme e çdo subjekti politik, të shoqërisë civile dhe konkretisht të shtetit për më i obliguar qytetarët të cilët duhet që të kenë pjesë e procesit të votimit. Po të ishte e mundshme unë do të ia kisha kushtëzuar me ligj që votimi të jetë obligim ligjor dhe ndoshta edhe për një shqiptim të gjobës kur të shohim mospjesëmarrjen e qytetarëve në votim…”, ka thënë në emisionin “Ditari” në Tëvë1.
Sipas rezultateve preliminare të Komisionit Qendror të Zgjedhjeve Deri më tani janë numëruar 97.71për qind e votave.
Nga këto të dhëna Lëvizja Vetëvendosje ka marrë 40.94 për qind të votave, PDK 22.11 % , LDK 17.67 %, AAK 7.44 %, Lista Serbe 4.33 dhe Koalicioni për Familjen 2.27.
Këto rezultate preliminare nuk përfshijnë votat me kusht, votat e personave me nevoja të veçanta si dhe votat jashtë Kosovës.
Pjesëmarrja e votuesve në zgjedhjet parlamentare të 9 shkurtit sipas KQZ-së është 40.59 për qind, ose 799,954.
