Malë Gashi – u.d së Komandantit të Brigadës së Zjarrfikësve ka thënë se ende nuk dihet shkaktari i zjarrit që ka kapluar ndërtesën shumëkatëshe në lagjen Pejton në Prishtinë.
Ai tha se inspektorati është në vendin e ngjarjes dhe janë duke e parë terenin.
Tutje, Gashi tha se në momentin që zjarrfikësit kanë marrë lajmin, për 6 minuta kanë arritur në vendin e ngjarjes si dhe kanë kërkuar ekipe shtesë.
“Për 6 minuta kemi arritur në vend të ngjarjes. Njëherë lajmin e kemi marrë që lokali është djegë, tani kur kemi ardhur në vend të ngjarjes kemi kërkuar ekipe shtesë”, ka thënë Gashi.
