Shefi i Grupit Parlamentar të LDK-së, Arben Gashi ka thënë se nga një qeveri që sipas tij, dyfishon tatimin në pronë dhe mbron krimin e korrupsionin e Martin Berishajt, nuk mund të pres që të ketë zgjidhje për pagat në sektorin publik.
Sipas tij, koeficienti i publikuar sot nga Qeveria as për së afërmi nuk adreson çështjen e inflacionit në vend.
“Një qeveri ku glorifikoher Oliver Ivanoviq, një person i dënuar për krime lufte, nga një qeveri e cila e mbron krimin e korrupsionin e Martin Berishajt, nga një qeveri e cila dyfishon tatimin në pronë, nga një qeveri e cila kap shtetin siç ishte edhe rasti i fundit me RTK-më, nuk besoj që është dashtë me pritë më shumë dhe aq më pak me u zhgënjy këshstë. Është ditë që kjo qeveri që glorifikon krimin ndaj shqiptarëve, që mbron korrupsionin e Martin Berishajt dhe shumë të tjerve nuk mund të presësh të ketë zgjidhje për pagat në sektorin publik. Pra koeficenti i pagave as për së afërmi nuk adreson çështjen e inflacionit i cili ka ndodh në këto dy vite ku jeta e qytetarëve është bërë ferr”, tha ai.
Madje ai në fjalën e tij hyrëse në Kuvend, tha se Grupi Parlamentar i LDK-së, nuk mund të vazhdojë seancën dhe theksoi se nuk do të bëhen pjesë e kuorumit për këtë seancë.
“Në këto rrethana mendoj që nuk është normale të filloj kështu seanca dhe ne nuk mund të sillemi sikur gjithçka është normale dhe të vazhdojmë. Prandaj ne nuk mendojmë që duhet të vazhdojë kjo seancë dhe mos na kondiseroni si pjesë të kuorumit për të fillu senacën”, shtoi ai.
Në shenj revolte për vlerën e koeficientit të pagave në sektorin publik, seancën plenare e ka lëshuar edhe Aleanca për Ardhmërinë e Kosovës.
Time Kadriaj nga kjo parti, tha se nuk do të marrin pjesë në seancën e Kuvendit të paraparë për sot./teve1.info./
