Kenan Gashi nga Rrjeti i OJQ-ve AVONET në emisionin “Info Nata” në Tëvë1 ka deklaruar se komandanti i stacionit policor në Lipjan është shkarkuar si një nga kërkesat kryesore të organizatës pas ngjarjeve të fundit që tronditën komunitetin.
“Është shkarkuar njëri prej komandantëve të stacionit policor në Lipjan, që ishte edhe njëra prej kërkesave tona. Ai ka qenë i thirrur dhe prezent në ngjarje, dhe duhet që dikush të marrë përgjegjësi,” tha Gashi.
Ai shtoi se kërkesat e AVONET-it nuk përfundojnë me këtë shkarkim, por kërkohet edhe largimi i drejtorit rajonal të Policisë, Bastri Shabani.
“Drejtori rajonal duhet të japë llogari dhe të krijojë standarde që policia e Kosovës t’i shërbejë qytetarëve, jo të jetë shkak i paqëndrueshmërisë dhe mungesës së sigurisë në raste të ndryshme,” theksoi Gashi.
Në të njëjtën kohë, Gashi kritikoi mënyrën e trajtimit të qytetarëve nga ana e policisë.
“Pas vetëm tri muaj trajnim, policët delë dhe dënojnë qytetarin pa pasur ende të drejtën për ta bërë këtë,” tha ai, duke theksuar nevojën për përmirësim të thellë në trajtimin e qytetarëve nga institucionet e rendit.
