Deputeti i Lidhjes Demokratike të Kosovës, Arben Gashi ka thënë se Lëvizja Vetëvendosje mund ta zhbllokojë Kuvendin duke propozuar kandidat tjetër për kryeparlamentar.
Sipas Gashit, ndërrimi i Albulena Haxhiut me dikë tjetër nuk është sakrificë me jetë, pasi siç ka theksuar e njëjta mund të marrë ndonjë post tjetër.
“Mund të ketë sakrifica më të vogla për shembull me qenë më zemërgjerë edhe me e hap mundësinë që me u zhblloku Kuvendi duke propozuar kandidat tjetër dhe me e zgjidh problemin. Nuk është sakrificë me jetë, Albulena Haxhiu mund të marrë post tjetër, mund të bëhet kryeministre ose zëvendëskryeministre, ka plot pozita e funksione të cilat mundet me i marrë”, është shprehur Gashi.
Ai ka shtuar se mungesa e vullnetit politik për të gjetur një zgjidhje po e dëmton rëndë reputacionin e Kuvendit të Kosovës dhe politikës në përgjithësi.
