Veturat i stolisën me flamuj.
Qyteti i Skenderajt bashkoi edhe njëherë veturat off Road nga anë e kënd Kosovës, për nder të 25 vjetorit të Epopesë së Ushtrisë Çlirimtare të Kosovës.
Rreth 200 vetura të llojit JEEP u parkuan pranë njëri tjetrit, të gatshëm për të garuar.
Ndërkaq edhe numri pjesëmarrësve nuk ishte i vogël, megjithëse ishin orët e hershme të mëngjesit.
Në përcjellje të Policisë së Kosovës, rruga ‘’Fadil Rrustemi’’ më pas u mbyll për qarkullim.
E ky organizim, sipas kryetarit të komunës Fadil Nura – u bë për të nderuar Epopenë e Ushtrisë Çlirimtare të Kosovës.
Gara siç thotë ai, mbahet në mënyrë që të festojnë kujtimet dhe historinë e UÇK-së, si dhe nderon luftën dhe sakrificën e komandantit legjendar Adem Jashari dhe familjes së tij.
Ndërkaq nënkryetari, Sami Lushtaku u shpreh i lumtur për këtë aktivitet të veçantë.
E për pjesëmarrësit nuk munguan as mirënjohjet.
Pas kësaj, veturat parakaluan në Kompleksin Memorial Adem Jashari dhe nga aty, vazhduan në Bjeshkët e Moknës.
Kronika e gazetares Albiona Hajdari.
