Kampionati Evropian “Gjermania 2024” do të mbyllet të dielën, ndërsa gara për golashënuesin më të mirë do të jetë tejet interesante.
Kapiteni i Anglisë, Harry Kane dhe reprezentuesi i Spanjës, Dani Olmo i prinë listës së golashënuesve.
Të dy kanë realizuar nga tre gola, ndërsa finalja mes Spanjës dhe Anglisë mund të jetë përcaktuese së kush do të jetë më i miri.
Edhe pse Kane e Olmo prijnë në listë, ata mund të kalohen apo të barazohen nga lojtarët tjerë që gjithashtu janë në garë për këtë çmim.
Fabian Ruiz i Spanjës dhe Jude Bellingham i Anglisë i kanë shënuar nga dy gola dhe gjithashtu synojnë epitetin e golashënuesit më të mirë të “Euro 2024”.
Nëse më shumë se një lojtar ka numër të njëjtë golash, atëherë fituesi përcaktohet nga numri i asistimeve. E në rast se edhe në këtë statistikë janë të barabartë, atëherë fiton lojtari që ka luajtur më pak minuta.
Kjo do të thotë se momentalisht golashënuesi më i mirë do të ishte Dani Olmo, i cili ka edhe dy asistime.
Kështu që, mbetet të shihet se cili do të shpallet më i miri, Olmo apo Kane?