Këtë e ka bërë të ditur zëdhënësja e Aeroportit “Adem Jashari” në Prishtinë, Valentina Gara, e cila është deklaruar pas alarmit për bombë në këtë aeroport.
Gara ka thënë se ekipet e involvuara në planin emergjent janë duke kryer detyrat e tyre.
“Konfirmojmë se kemi pranuar një kërcënim me bombë. Udhëtarët dhe personeli janë evakuar dhe janë të sigurtë. Ekipet e involvuara në planin emergjent janë duke kryer detyrat e tyre. Do të ju mbajmë të informuar!”, ka shkruar ajo në një postim në Facebook. /teve1.info/
