Policia e Kosovës ka njoftuar se pas publikimit të video incizimeve në rrjete sociale, ka identifikuar shoferin që ka marrë pjesë në gara ilegale të shpejtësisë.
Bëhet e ditur se i njëjti është gjobitur me 400 euro, 4 pikë negative dhe 10 muaj i është ndaluar drejtimi i mjetit me veprim motorik, përcjell teve1.info.
“Njësia për Kontroll të Autostradave në kuadër të planit “Parandalimi i garave ilegale të shpejtësisë në autostradë” dhe në bazë të publikimit të video incizimeve në rrjetet sociale ka identifikuar shoferin që ka marrë pjesë në gara ilegale të shpejtësisë, i njëjti është gjobitur 400 €, 4 pikë negative dhe 10 muaj i është ndaluar drejtimi i mjetit me veprim motorik”, thuhet në njoftim./teve1.info./
