Policia e Kosovës ka bërë të ditur se për shkak të garës çikliste, më datë 15 dhe 16 korrik nga ora 13:30, do të ketë bllokim të përkohshëm të qarkullimit të automjeteve në disa rrugë.
Gara çikliste do të organizohet nga Federata e Çiklizmit të Kosovës.
Policia thotë se FÇK-ja ka planifikuar që garën “Kampionati i Kosovës për vitin 2023”, ta zhvillojë në autostradë dhe për këtë ka siguruar leje nga ministria përkatëse.
“Më datë 15.07.2023, duke filluar nga ora 13:30, në segmentin Lipian-Bibaj (autostrada ‘Arbën Xhaferi’) do të fillojë pjesa e parë e kësaj gare. Më datë 16.07.2023, itinerari i garës është më i gjatë (160 km), gara fillon në ora 10:30 me këtë itinerar të lëvizjes: Bibaj-Lipjan-Prishtinë, F.Kosovë (Bresje), pastaj rruga nacionale F.Kosovë-Aeroport-Komoran-Malishevë dhe anasjelltas. Gjatë kësaj kohe, më datën 15 dhe 16 korrik 2023, parashihet që të ketë bllokim të qarkullimit të automjeteve në autostradë (segmentet e lart-cekura) dhe riorientim në rrugë tjera alternative”, thuhet në komunikatë.
Policia e Kosovës kërkon mirëkuptim nga ana e qytetarëve dhe pjesëmarrësve në trafik rreth këtij bllokimi e riorientim të veturave në kohen sa do të jetë duke u zhvilluar gara e organizuar nga FÇK-ja.
Policia ka kërkuar që qytetarët të planifikojnë me kohë qarkullimin në rrugë alternative në mënyrë që mos të krijohen tollovi e kolona./teve1.info/
