Pas kampit të suksesshëm të organizuar në fillim të muajit korrik nga shkolla e futbollit Besëlidhja, në bashkëpunim me klubin e madh turk Galatasaray, të premten drejt Stambollit është nisur grupi i parë i lojtarëve të përzgjedhur.
“Galatasaray Kosova Football Camp” u mbajt në Prishtinë nga 2 deri më 6 korrik, me mbi 100 fëmijë pjesëmarrës dhe me trajnerë nga Akademia e klubit të madh turk Galatasaray dhe trajnerë vendorë.
Gjatë mbajtjes së kampit, udhëheqësit dhe trajnerët kanë parë nga afër punën dhe talentin e të rinjve, të cilët pas përzgjedhjes, do të vizitojnë skuadrën dhe ambientet e Galatasarayit për të parë se si organizohet puna dhe përgatitjet e klubit.
Sipas drejtuesve të kampit ky është një hap i rëndësishëm për talentët e rinj që synojnë të tregojnë aftësitë e tyre në nivele më të larta.
