Prishtina po rrezikon seriozisht barazhin e Superligës, pasi në kryendeshjen e xhiros së 35-të pësoi humbje me shifra 1;0 nga Drita.
Me golin e Marko Simonovskit në minutat e fundit të ndeshjes mysafirët rrëmbyen tre pikë të plota nga kryeqyteti. Bardhekaltërit me këtë humbje bien në pozitën e gjashtë me 48 pikë, dhe rrezikojnë barazhin. Ndërkaq Drita tani ngritet në kuotën e 61 pikëve.
Drenica, Malisheva dhe Dukagjini në anën tjetër kanë marrë fitore, duke lënën hapur pozitën e tetë në xhiron e fundit.
Kuqezinjët fituan ndaj Ballkanit me shifra 3:1 në “Bajram Aliu”, duke u ngritur në kuotën e 47 pikëve, aq sa ka edhe Malisheva që zë vendin e tetë, pas fitores në udhëtim ndaj Gjilanit 4:3.
Kurse pikë maksimale mori edhe Dukagjini, ku si vendas mposhti Llapin 4:2, derisa me këtë triumf u ngrit në vendin e pestë me 49 pikë.
Kurse në ndeshjen e nderit mes Ulpianës dhe Feronikelit, e fitoj skuadra lipjanase me shifra 6:2. /Tëvë1/
