Kombëtarja e Kosovës në futboll ka disa ditë që ka nisur përgatitjet për dy ndeshjet e para kualifikuese për “Euro 2026” që do të luajë brenda këtij muaji.
“Dardanët” janë pjesë e Grupit 10 së bashku me Francën, Gjeorgjinë e Bullgarinë kurse për herë do të parë kualifikimet do ti nisin nga “Main Round” apo rundi kryesor.
Ndeshjen e parë, Kosova e luan të premten në udhëtim te Gjeorgjia kurse katër ditë më vonë përballet me Bullgarinë në shtëpi.
10 skuadrat që përfundojnë të parat në grupe do ti bashkohen Letonisë dhe Lituanisë që janë nikoqire të Evropianit, ndërsa tetë ekipet më të mira do të luajnë në fazën plejof në shtator për katër biletat tjera që sigurojnë kualifikimin në këtë ngjarje.
Selektori i Kosovës në futsall, Agon Ramadani ka shprehur optimizmin e tij në prag të ndeshjeve me Gjeorgjinë e Bullgarinë, ndërsa ka shtuar se fokusi i Kosovës është te përballja e parë që e luan në Tbilisi.
Ndërkohë, optimist janë treguar edhe lojtarët Ramadan Alaj, Bajram Ramadani e Mërgim Dervishaj që kanë insistuar se në këtë cikël kualifikues jo vetëm që synojnë të tregojnë paraqitje të mira, por duan të jenë edhe befasia e grupit.
