Futbollisti i Vllaznisë së Pozheranit, Alban Rexhepi ka pësuar arrest kardiak të dielën gjatë ndeshjes me Flamurtarin. Kjo ndeshje i ka takuar javës së 24-t të Ligës së Parë.
Për shqetësimet e sulmuesit Rexhepi ka njoftuar klubi nga Pozherani përmes rrjetit social Facebook, derisa ka theksuar se gjendja e tij është stabile.
Rexhepi në këtë ndeshje ka shënuar golin e dytë në fitoren e skuadrës së tij prej 3:2.
“Sot në ndeshjen me Flamurtarin, sulmuesi i krahut i klubit tonë, Alban Rexhepi kishte një shqetësim me shëndet, gjatë pjesës së dytë. Pas vizitës në QKUK u konstatua se kishte një arrest kardiak. Mjekët në qendrën klinike universitare intervenuan dhe vendosën një stendë. Albani tash është në gjendje stabile dhe ka filluar ta marr veten”, ka njoftuar Vllaznia.
/Tëvë1/
