Suksesi në turneun në Turqi i ka siguruar Kosovës pozitën më të mirë ndonjëherë në ranglistën e FIFA-s.
Bëhet fjalë për ranglistën e përfaqësueseve të futbollisteve, në të cilën Kosova tani është e 91-ta. Ka përparuar për nëntë pozita, pasi në renditjen e kaluar ishte 100-ta.
Kosova është prej përfaqësueseve që ka përparuar më së shumti. Ndërkohë asnjëherë nuk ishte kaq lartë në renditje.
Spanja është e para, e pasuar nga Anglia, Franca, SHBA-ja e Gjermania. Ndërkohë, Shqipëria është e 73-ta.
Në fund të muajit të shkuar në turneun në Turqi, futbollistet e Kosovës fituan ndaj Hong Kongut, Estonisë dhe Indisë.
