Fushë Kosova dhe Malisheva kanë marrë nga një pikë pasi kanë barazuar në ballafaqimin e dytë të ndërsjellë në edicionin aktual.
Raste për të realizuar patën të dyja skuadrat, por nuk ia arritën një gjëje të tillë.
Sulmuesi i krahut gjuajti me kokë në minutën e 41-të, por portieri Armend Rugji e devijoi topin në fundore.
Ndërkohë, në pjesën e dytë, rast të artë për ta kaluar skuadrën mysafire në epërsi pati Altin Aliu në minutën e 62-të. Ai nga afërsia gjuajti lartë mbi portë.
Fushë Kosova jo shumë minuta më vonë pati mundësi shënimi me sulmuesin Urim Statovci, që nuk e shtyu topin në portë në një rast shumë të mirë shënimi.
Për Fushë Kosovën ishte barazimi i tretë i këtij edicioni në Superligë. Ka edhe një fitore e shtatë disfata.
Ndërkohë për Malishevën ishte barazimi i parë në këtë sezon.
Malisheva ka edhe katër fitore dhe gjashtë humbje, të gjitha me trajnerin Senad Alirifa.
Të shtunën, në krye të Malishevës si trajner debutoi Qëndrim Kida, që ishte asistent i parë i Alirifës.
Fushë Kosova ka gjashtë pikë në 11-të ndeshje dhe zë pozitën e fundit në tabelë, kurse Malisheva ka 13 pikë.
Në xhiron e 12-të, Fushë Kosova udhëton te Llapi, ndërsa Malisheva e pret Prishtinën.
