Ministria e Punëve të Brendshme ka njoftuar se Agjencia e Regjistrimit Civil ka funksionalizuar shërbimin për deklarim të adresës zyrtare të vendbanimit.
Sipas njoftimit, qytetarët tani e tutje duke shfrytëzuar platformën shtetërore e-Kosova, do ta kenë më të lehtë të bëjnë deklarimin e adresës zyrtare të vendbanimit, pa pasur nevojë të paraqiten në Zyrën e Gjendjes Civile.
“Procesi i Deklarimit të Adresës Zyrtare të Vendbanimit ndihmon në lehtësimin e shërbimeve ndaj qytetarit, duke përfshirë: adresën unike dhe zyrtare të vendbanimit, përzgjedhjen e mjekut familjar-bazuar në adresën e deklaruar, shpërndarjen më të lehtë dhe më të shpejtë të shërbimeve postare, saktësinë e adresës për shërbimet mjekësore emergjente dhe saktësinë dhe unifikimin e adresës në të gjitha faturat komunale”, thuhet në njoftimin e MPB-së.
Po ashtu bëhet e ditur se, funksionalizimi i këtij shërbimi është bërë në bashkëpunim me Agjencinë Kadastrale të Kosovës dhe Agjencinë për Shoqëri të Informacionit./teve1.info/
