Kryetari i Lidhjes Demokratike të Kosovës (LDK), Lumir Abdixhiku, ka zhvilluar të mërkurën një takim me ambasadorin e Bashkimit Evropian në Kosovë, Dirk Schübel.
Sipas njoftimit të LDK-së, gjatë takimit është diskutuar për zhvillimet aktuale politike në vend, procesin e konstituimit dhe funksionalizimit të institucioneve, si dhe qëndrimet e kësaj partie lidhur me situatën politike dhe institucionale në Kosovë.
Abdixhiku ka theksuar përkushtimin e LDK-së për mbrojtjen e interesit të Republikës së Kosovës, forcimin e demokracisë dhe sundimit të ligjit, si dhe garantimin e funksionalitetit të institucioneve demokratike dhe stabilitetit institucional.
Në takim është diskutuar edhe për rëndësinë e bashkëpunimit ndërmjet Kosovës dhe Bashkimit Evropian.
Abdixhiku ka vlerësuar mbështetjen e vazhdueshme të BE-së për zhvillimin demokratik të Kosovës dhe perspektivën e saj evropiane.
Në fund të takimit, kryetari i LDK-së ka falënderuar ambasadorin Schübel për bashkëpunimin dhe angazhimin e vazhdueshëm të Bashkimit Evropian në Kosovë./teve1.info/
