FSSHK-ja ka thënë se kjo është koha e fundit që po i adresohen kryeministrit e ministrit para se të ndërmarrin veprime sindikale.
Nga kjo sindikatë kanë kërkuar rritje të pagave 50% deri në miratimin e Ligjit të Pagave dhe pjesëmarrje në grupin punues për hartimin e Ligjit të Pagave.
“Duke u nisur nga fakti se gjendja e punëtorëve shëndetësor është duke u përkeqësuar ditë për ditë, nuk kemi mjete për punë, nuk kemi kushte për punë, e dita ditës mjekët dhe infermierët po e lëshojnë Kosovën dhe sistemin publik,ju lutemi të reflektoni në dy kërkesat e mëparshme:1. Rritjen e pagave 50% deri në miratimin e Ligjit të Pagave;2. Pjesëmarrjen në grupin punues për hartimin e Ligjit të Pagave”, thuhet në komunikatën e FSSHK-së.
Sipas FSSHK-ja gjendja e punëtorëve shëndetësor është shumë e keqe dhe të njëjtit kërkojnë intervenim të shpejt nga Qeveria.
“Z. Kryeministër,pa dashur ta zgjasë më shumë gjendja e popullatës dhe punëtorëve shëndetësor është shumë e keqe gjë që faktohet në pritjet që duhet të bëhen,andaj intervenimi Juaj duhet të jetë i shpejtë dhe konkret. Çdo pasojë e mosveprimit adresën e ka tek Qeveria Juaj”, thuhet më tej në komunikatë. /teve1.info/
