Automjetet ushtarake “Rheinmetall” tani i posedon edhe Forca e Sigurisë së Kosovës. Pesë automjete të këtij lloji Forca i pranoi donacion nga Gjermania në vlerë prej 2,7 milionë eurosh. Në ceremoninë e pranimit të çelësave të këtyre automjeteve, u tha se Gjermani po kontribuuan në mbrojtjen dhe sigurinë e vendit.
Në inventarin e ushtrisë së Kosovës nga e enjta janë shtuar edhe 5 kamionë ushtarakë.
Çelsat e tyre një nga një i janë dorëzuar ushtarëve të Forcës së Sigurisë së Kosovës, nga ambasodori gjerman, Jorn Rohde. Për të mësuar fuqinë dhe specifikat e tyre diplomati gjerman bashkë me ministrin e Mbrojtjes, Ejup Maqedonci, personalisht u ulën në kabinën e drejtimit.
Vlera e kamionëve ushtarak, Rheinmetall, që u dhanë donacion nga Gjermania kap shifrën 2.7 milionë euro. Detaje për këtë donacion dha Ministri i Mbrojtjës, Ejup Maqedonci, bashkë me ambasadorin Rohde.
“Është kënaqësi dhe nder i veqantë që sot të pranoj donacionin e radhës më vlerë 2.7 milionë euro. Rol të rëndësishëm ka partneri ynë, andaj jemi shumë mirënjohës, në vazhdën e 3 milionë e 800 mijë euro. Falënderoj ambasadorin për kontributin dhe sigurisht ky bashkëpunim do vazhdojë tutje me qëllim për ti kontribuar paqes dhe sigurisë në vend”, tha ai.
Ambasadori gjerman Jorn Rohde, u shpreh i kënaqur që po dhuron këtë donacion Kosovës.
“Marrëdhëniet mes Gjermanisë dhe Kosovës janë të shkëlqyeshme, sidomos në fushën e mbrojtjes. Jam shumë i kënaqur të jem këtu për dhurim të këtyre kamionëve ushtarakë. Ky projekt ka nisur në nëntor 2022. Qëllimi është të mbështesim logjistikën e regjimenteve. Tani keni 15 kamionë të këtij tipi”, tha Rohde.
Edhe gjatë muajit mars Gjermania e ka ndihmuar ushtrinë e Kosovës me pesë kamionë ushtarakë. Krahas këtij donacioni plus 10 kamionë të njëjtë janë blerë me buxhet të shtetit.
