16 kadetët të Forcës së Sigurisë së Kosovës, të enjten morën gradën oficer.
I pari që doli para kadetëve, ishte ministri i mbrojtjes, Ejup Maqedonci.
Ky tha se pesha e uniformes së oficerit nuk është e lehtë.
“Ëndrrën e të gjithë atyre që sakrifikuan për lirinë sot po e jetësoni ju kadetë. Me diplomimin tuaj si oficerë po ndërtoni shtylla të rëndësishme të ushtrisë, andaj nuk kam se si ta fshehë krenarinë që ndjej për ju”, u shpreh ministri.
E porosi për oficerët e ri, pati edhe komandantja e Qendrës për Studime Universitare, Mimoza Budeci.
Këto fjalë, Budeci i tha në ditën e saj të fundit si komandante në QSU.
“Porosia ime e parë për ju kadet është që asnjëherë mos harroni qëllimin tuja, qëllimi që përbëhet nga tri fjalë që keni dëgjuar më së shpeshti gjatë trajnimit 4 vjeçar në QSU, ka qenë dhe është i përbërë nga tri fjalët, detyra, nderi dhe atdheu”, tha ajo.
Gjatë gjithë kohës të emocionuar, ceremoninë e ndoqën edhe familjarët e oficerëve të ri.
Por, gjithçka e relaksoi një pikë artistike nga bendi i FSK-së, me një pikë mjaftë të njohur.
E nuk mungoi as pika ushtarake para të pranishmëve.
Momenti kryesor, erdhi në mesditën e se enjtes.
16 kadetë që ndoqën studimet 4 vjeçare nga e enjtja do të shërbejnë si oficerë.
Studenti më i dalluar i kësaj gjenerate, u zgjodh, Atdhe Ahmeti.
“Në çdo hap të rrugëtimit tonë ne ishim krah i fort i njëri tjetrit, bashkë gjithçka ka qenë e arritshme, miqësia dhe besnikëria që ne kemi krijuar gjatë këtyre 4 viteve na bëjnë të pathyeshëm përball çdo vështirësie. Le të kujtojmë se forca më e madhe për ne është dashuria për atdheun. Ky vend pati burra e gra që kur pati më së shumti nevojë i dolën Zot, e atyre ne u jemi gjithmonë mirënjohës”, tha ai.
Ndërsa krenar e të emocionuar, ishin familjarët.
“Edhe unë kam qenë oficer i lartë në UCK, kështu që jam shumë i lumtur që pas meje e la një oficer tjetër, siç është Albioni, që jam i bindur që me besnikëri dhe përkushtim të lartë do t’i shërbejë vendi”, tha Naim Bajraktari – babai i Albion Bajraktarit
Të pranishëm në ceremoninë e diplomimit të oficerëve të ri, nuk u asnjëri nga dy krerët e shtetit.
