Makineritë ushtarake të Forcës së Sigurisë së Kosovës u bënë gati.
Ora shënon 13:00 e së mërkurës.
E pikërisht, në këtë moment këtu në pistën e aeroportit “Adem Jashari” në Prishtinë, ateroi aeroplani ushtarak në të cilin janë pajisje të reja ushtarake për Forcën e Sigurisë së Kosovës.
Për çfarë pajisje që iu shtuan arsenalit ushtarak të Kosovës, bëhet fjalë?
Dronët kamikazë të cilët sot i ka pranuar FSK ndërkaq në pamjet ekskluzive të Tëvë1, mbrapa meje shihen makineritë e rënda të Forcës së Sigurisë së Kosovës, në të cilat tashmë do të vendosen këta dronë. Kjo është në fazën e avancimit të kapaciteteve ushtarake të FSK-së”
Këta dronë kamikazë janë prodhim i Turqisë.
Të pranishëm në pranimin e dronëve Skydagger 7” dhe 15”, ishin edhe kryeministri në detyrë i Kosovës, Albin Kurti dhe ministri në detyrë i Mbrojtjes, Ejup Maqedonci dhe komandanti turk i KFOR-it, Ozkan Ulutas.
Në pamjet ekskluzive të siguruara nga Tëvë1, shihen dronët “Skydagger15” duke u vendosur në makineritë e FSK-së.
Modeli “SkyDagger 15” është ndër dronët më të avancuar taktikë në tregun rajonal, me kohëzgjatje fluturimi rreth 90 minuta, rreze operative mbi 25 kilometra, dhe sisteme pamjeje termike e ditë/natë. Versionet kamikazë të kësaj serie janë të dizajnuara për misione precize, me aftësi për neutralizimin e objektivave tokësore, pa pasur nevojë për ndërhyrje të drejtpërdrejtë njerëzore në zonën e veprimit, mbajnë mbi 5 kilogram eksploziv.
Reagim për ardhjen e këtyre dronëve eksplodues, bëri edhe kryeministri në detyrë Kurti, i cili tha se FSK po bëhet forcë moderne.
“Kontrata është nënshkruar në dhjetor të vitit të kaluar me Kompaninë e mirënjohur turke ‘Baykar’, që është kompani amë e prodhuesit “Skydager”. Dronët Skydagger ishte planifikuar të mbërrijnë në janar 2026, por i morëm tre muaj më herët”, u shpreh Kurti
Edhe ministri në detyrë i Mbrojtjes, Ejup Maqedonci, tha se ushtria e Kosovës po fuqizohet çdo ditë më shumë.
“SkyDagger janë dronë luftarak të pajisur me mjete shpërthyesetë cilët janë ndërtuar që në mënyrë të përpiktë të godasin objektivat lëvizëse dhe statike të armikut.”
Dronët përfshijnë edhe versione kamikazë, të afta për të mbajtur ngarkesë shpërthyese dhe për t’u përdorur në misione taktike sulmuese.
Një pjesë e këtyre dronëve nuk janë vetëm për vëzhgim dhe mbikëqyrje, por përfshijnë edhe njësi kamikazë (loitering munitions) — pajisje që mund të qëndrojnë në ajër për periudha të gjata, të identifikojnë objektivin dhe të aktivizohen për shpërthim të drejtpërdrejtë mbi të.
Dronët janë pjesë e një pako moderne të armatimit, që FSK e ka pranuar sot në kuadër të procesit të modernizimit dhe rritjes së kapaciteteve teknologjike.
Kjo pajisje e re vjen në kuadër të modernizimit të vazhdueshëm të FSK-së, që synon rritjen e kapaciteteve për reagim të shpejtë, zbulim ajror dhe ndërhyrje taktike.
