Pjesëmarrrja e Ushtrisë së Kosovës në stërvitjen “Defender – Europe 23”, pritet të kushtojë të paktën 1 milionë euro.
Në një vlerë të tillë, janë parashikuar blerjet e veshmbathjeve dhe pajisjeve tjera për 1 mijë e 300 ushtarët që do të jenë pjesë e këtij ushtrimi.
Si e rëndësishme po vlerësohet pjesëmarrja e FSK-së në këto ushtrime, bazuar në përpjekjet për t’u bërë pjesë e NATO-s.
Mirëpo, sipas njohësit të sigurisë, Bedri Elezi, furnizimet e tilla duhet të bëhen në vazhdimësi e jo në varësi të ushtrimeve ku merr pjesë FSK-ja.
Ministria e Mbrojtjes nuk ka treguar detaje të tjera në kuadër të përgatitjeve për këtë ushtrim.
“Defender Europe 23”, organizohet nga Ushtria Amerikane për Evropë dhe Afrikë me forcat e vendeve aleate të 25 vendeve të NATO-s dhe partnerëve të saj.
Kronika e gazetares Florijeta Dernjani.
