Për pak kohë, nxënësit e lanë mësimin. Kjo pasi para shkollës së tyre, pas pak minutash pritet të parakalojnë ushtarët e Forcës së Sigurisë së Kosovës. E nuk vonoi shumë, arritën edhe dhjetëra ushtarët që u nisën në këmbë nga qendra e Deçanit për në Gllogjan. Këta të fundit, këtë marshim, po e bëjnë për shënimin e një ngjarjeje të veçantë.
E gjatë rrugës prej afër 10 kilometrave, ushtarët e FSK-së, u përshëndetën e priten edhe nga nxënës e qytetarë të tjerë. Por, pritja kryesore për ta, ishte organizuar në Kompleksin Memorial “Dëshmorët e Kombit” në Gllogjan. Por, fillimisht, nxënësit e përjetuan një gëzim tjetër. E pas një orë e gjysmë ecje, këtu arritën edhe ushtarët e FSK-së. Për këtë, edhe entuziazmi i nxënësve ishte i madh.
Ushtarët e Forcës së Sigurisë së Kosovës, fillimisht bën homazhe tek varrezat e dëshmorëve në Glogjan. Më pas, atyre iu shpjeguan betejat që para tyre i bën ushtarët e UÇK-së në këtë vend.
E vet nxënësit, u shprehen të lumtur që për herë të parë po i shohin nga afër këta ushtarë.
Në 24 marsin e vitit 1998, u zhvillua beteja e parë e UÇK-së me forcat serbe, të cilat e kishin rrethuar Gllogjanin.
Raporti i gazetarit Fidan Zejnullahu.
